Jólaundirbúningur

Jólaundirbúningur byrjaði snemma í þessari sveit og byrjuðum við á Laufabrauðinu með látum snemma í Nóvember með góðum árangri.. Ragna og Gunni voru mér okkur í vinnslunni og svo komu óvæntir en gleðilegir gestir og voru vel liðtækir. Það voru Stebbi Pálma og Karen Sif og svo kom litli snúður hann Magni með sérgerðan laufabrauðsskurðarhníf og voru þeir strákarnir ægilega duglegir að skera út  ýmsar myndir.  Við Ragna steiktum svo herlegheitin 120 og vorum ekki lengi að því.

Helgina á eftir komu svo María systir og fj og var plönuð mikil baksturshelgi.  Piparkökur voru bakaðar í kílóavís og málaðar.  Solla og Magni voru með okkur og var mikið fjör og mikið gaman.  Hjörtur málaði bara dýr og passaði vel uppá að þau færu í eigið box og hinir máluðu skrautlegar og flottar kökur.. að mati Bjarka (sem átti skrautið frá því ég kom frá usa) var aðeins of mikið af skrauti notað en hann er aðal kökuskreytingarmaðurinn á heimilinu.  Allir voru liðtækir í að rúlla út og móta kökur og húsmóðirin var ekki lítið sæl með hvað það er þægilegt að baka í stóra eldhúsinu sínu.. allir gátu tekið þátt og nóg pláss fyrir allt og alla. Daginn eftir var stefnan tekin á Sörur en börnin fengu að sitja hjá í þeirri törn.. María systir að vísu lagðist í ælupesti um nóttina, vildi kenna lífræna rauðvíninu um sem ég gaf henni um kvöldið en það getur ekki verið sko.. Lífrænt!! maður verður nú ekki veikur af rauðum vökva sem er með moldarbragði!!  þannig að hún var ekki velkomin í eldhúsið en við Solla og Anna maría græjuðum sörurnar góðu.  Aggi og Ásta byrtust svo óvænt í hádegismatnum og úr varð heljarinnar matarboð áður en Mosfellingarnir rúlluðu suður.

Athugasemdir

[gamla (IP-tala skráð) 13.12.2008 kl. 11:59]

já dóttir góð nú kemur stóra eyjan þín sér vel :)

flottar myndir.  kv. gamla