Rosa græja sem ég prufaði.

Já það er nú ágætt svona þegar maður er nú búinn að leggja allt rafmagnið að fá að prufa almennilega græju til að leggja það í froðuplastið Bjössi Júll Pípari kom í dag að leggja fyrir sturtum og krönum og fleiru og sá mig vera að vesenast við að kroppa úr plastinu og bauðst til að lána mér bræðslubyssu sem þeir nota. Vá það munaði engu að ég myndi bara byrja uppá nýtt að leggja í húsið.. þetta var rosalega gaman... og gerði ekkert smá hreina skurði.  Ef ég væri alvöru iðnaðarmaður yrði ég pottþétt að eiga svona græju.

Anna Andrea voru í fríi í gær og voru ægilega duglegar að hjálpa mér í húsinu.. enda fengu þær svo verðlaun að fara á fjórhjólið í staðinn og fóru að heimsækja vin sinn á næsta bæ.  Við fórum líka og versluðum fullan bíl af kræsingum því nú góðu vinir... er reisugilli...  já það er um að gera fyrir ykkur að drífa ykkur í "verri" skóna og koma að fagna með okkur í húsinu í kvöld kl hálf 7. 

Það voru fjölskylduíþróttir í kvöld og svei mér þá ef þessir barnaleikir eru ekki farnir að verða full harkalegir.. ég held það sé orðið eðlilegasti hlutur að einhver slasist.  Í kvöld meiddust Rut, Elvar og Halli "tengdasonurinn"  Já já heimasætan bauð Halla sínum með í kvöld og mér sýndist hann skemmta sér konunglega að horfa á 4 fullþroskaðar konur í slagsmálum uppá líf og dauða í rugbý með risabolta.. já það er sko ekkert gefið eftir

Athugasemdir

[María Sif (IP-tala skráð) 13.10.2007 kl. 18:51]

Hva!!!!  Maður fréttir á netinu að ,,litla" frænka sé komin með kærasta.  Hvernig getur þetta gerst, hún sem fæddist bara fyrir örfáum mánuðum  Voðalega er maður orðin gamall  Því miður getum við ekki tekið þátt í herlegheitunum í kvöld, en ég verð með ykkur í huga.  Góða skemmtun, allir.   Kv. María Sif

[Alfan (IP-tala skráð) 14.10.2007 kl. 23:37]

Takk fyri síðast  Kíkka á afmælisstelpuna á morgun. Kv. Alfan

[Dóra (IP-tala skráð) 15.10.2007 kl. 11:23]

Takk fyrir síðast og til hamingju með afmælið...Ertu enn að jafna þig eftir djammið?, bíð nefnilega eftir myndum svo ég geti séð af hverju ég missti

[Rannveig Lena Gísladóttir, 15.10.2007 kl. 13:18]

Til lukku með afmælisdaginn  

Ég get verið svolítið skrýtin skrúfa stundum... en ég mundu eftir því á laugardaginn að líklegast ættiru afmæli í dag.  Og af hverju... jú, ég mætti örugglega öðrum syni þínum með Mörtu og skvísunum hennar á Glerártorgi á laugardaginn.

En að muna einfalda hluti eins og td hvar ég lagði símann minn frá mér síðast... það er ótrúlega erfitt!