Hvar er sumarið?

Hríð var það sem ég sá þegar ég fór framúr í morgun. Ég sem ættlaði að fara að klippa hekkið og gera fínt.  En við létum þetta nú ekki skemma daginn og drifum okkur í fjórhjólaferð uppí dal, mjög gaman og alls ekki eins kalt og ég bjóst við.

 

 

 

 

 

Eftir hádegi voru tónleikar í Laugaborg á vegum tónlistarskólans, og var Elvar að spila.. að vísu var hann nú alvega með það á hreinu að hann væri orðinn það góður að hann ættlaði nú ekkert að vera endalaust að troða upp svona FRÍTT!!!  gott að hafa sjálfsálitið í lagi.   Hann spilaði algerlega hiklaust og öryggið var algert.. man að ég hélt tónleika í denn og ég var ekki aldeilis svona borubrött, það var magapína og skjálfti og að lokum grátur fyrir framan alla gestina..  

 

 

Við brunuðum svo í kaupstað og tókum tengdó á rúntinn í Brynju-ís og svona klassískan sunndagsrúnt.  Fórum yfir á lóð ... og það var MJÖG gott þaðan að frétta.. bara eins og hann hafi gefið sig herra Ólafur Liljurós því þetta er nánast á enda með að brjóta.. en kemur betur í ljós þegar þeir eru búnir að hreinsa mulninginn í burtu.  Það hefur kanski bara verið rabbabarinn sem virkaði á hann.. eða jólatréið litla.. hver veit!!! Fleigara-drengurinn sagði að þetta hefði verið mun meira hjá Jóhannesi í bónus!!  munurinn á því er kanski helst sá að hann hefur efni á þessu en við ekki.. 

Við vorum ekki komin með nóg af útiveru þegar við komum heim um kvöldmat þannig að við tókum annan rúnt upp í dal, en núna lét ég skilja mig og Guffa eftir uppfrá og við löbbuðum heim í kyrrðinni.. að vísu með 10 hross á eftir okkur sem eru greinilega vön að vera fóðruð úr vösum því þau voru endalaust með snoppuna í vösunum hjá mér

Guðfinnur var svo þveginn og LOKSINS klipptur.. þannig að nu er hann orðinn ægilega huggulegur. var að  vísu hundfúll  á meðan en ekkert á við hvernig hann lét hjá klipparanum um daginn.