Milli jóla og nýárs var okkur boðið í veislu.. Kalli vinur Sigga hringdi og bauð okkur í svona síðbúna veislu fyrir dóttir sína.. Það var hringt sig saman á milli vina og ákveðið að við myndum sjá um kort og gefinn yrði peningur.. ekki málið og Ég í það.. að skrifa þetta fína fermingarkort handa henni Dagnýju sem fermdist í vor!!  nú Þegar við svo komum að húsinu hjá Kalla ásamt hópi fólks sé ég að það er Linda eldri dóttir Kalla sem kemur til dyranna með stúdentshúfu og Siggi er á undan mér og er að fara að rétta henni kortið þegar ég ríf það úr höndunum á honum og set aftur fyrir bak... SHITT hann hafði greinilega ekki tekið nógu vel eftir maðurinn..þetta var vitlaust barn og vitlaus athöfn og vitlaust kort..við í það að hringa í Árna sem ekki var enn kominn og fá hann til að kaupa nýtt kort og inn í bílskúr fórum við og skrifuðum nýtt kort.  Vá hvað þetta var vandræðalegt. Manninum er ekki treystandi fyrir neinu.

28. komu svo Haukur, Berglind og Katrín í mat.. og líka Valli litli :)það var dásamlegt að sjá þau öll sömul og sérstaklega Berglindi sem kom heim um jólin frá Ítalíu.. það er ekki frítt við það að maður saknar þeirra agalega eftir að við fluttum norður og sjáum þær svo sjaldan.. Við áttum góða stund saman yfir mat og drykk.. þegar leið á kvöldið komu svo  Rut, Mike, Sebastían, Þórdís og Ísar norður og var þá orðið vel mannmargt í kotinu og byrjað var að búa til fleti um húsið hér og þar.  Við tóku margir skemmtilegir dagar og hreint frábærir.  Þórdís og Ísar fóru svo suður aftur 30 en Ameríkanarnir urðu eftir til 2. janúar.  Það var sitt lítið að hverju brallað en þó mest borðað.

Áramótin voru snjólaus en svakalega fallegt veður og útsýnið úr heiðinni eftir því.. Etið var á sig gat það kvöld - Gæs - Rjúpur - Svartfugl - Graflax og fiskibollur (handa Bjarka)..  farið var á brennu þó seint væri og komið við hjá Regínu og Steinari þar sem stórfjölskyldan var öll þar saman komin... þaðan var brunað heim og sprengt upp allt það sem hægt var að sprengja.. ég ætlaði nú að vera grand á því og opna kampavín sem Óskar hafði gefið mér.. en það kom nú í ljós þegar ég fór að spá í þessu eftir að það freyddi nánast ekkert og bragðið var hræðilegt að það eru víst orðin 10 ár síðan ég fekk fína vínið !!!  svona er það þegar maður ætlar að spara góða hluti..ohhh hvað ég var svekt.

Búið er að rífa fram skíðin og fara eina ferð í fjallið.. að vísu er ég enn gáttuð á því hvað við komumst margar ferðir þar sem skíðin gjörsamlega stóðu föst í snjónum eftir sumarið.. eithvað þarf nú að vaxa þetta dót svo vel sé..  en lipur erum við að verða... það er merkilegt hvað þetta kemur alltaf fljótt aftur.

Bjarki er byrjaður að æfa handbolta.. ekkert smá ánægður með sig og miðað við hvað honum þykir honum fara fram eftir hverja æfingu er ég viss um að hann verður komin í landsliðið eftir 2 mánuði

Síðasta helgi var svo enn ein helgin sem fullt var útúr dyrum af fólki og gleði.  Öll stórfjölskyldan nær og fjær úr Rán var komin norður til að fagna afmæli Magga frænda sem varð 50 ára 10 janúar.  Mamma og pabbi komu...Sæmi og Marta með tripple B og María og Einar með englana 3. semsagt 12 í gistingu fyrir utan okkur.  Sæmi og Marta komu á fimmtudagskvöld og höfðum við því saman föstudaginn og mamma og María voru einnig komnar í tíma á föstudeginum til að koma í slökun í vatni hjá mér...síðan skunduðum við öll í laugagötuna í skotbolta með ótrúlegum tilþrifum allra aldurshópa.. Er enn hissa á því að pabbi hafi lifað þennan klukkutíma af því Vá hvað hann blés.  Í hádeginu á laugardeginum var svo tólistaræfing fyrir atriði okkar í veislunni en þar sungum við börnin hennar mömmu og stelpurnar hennar Ingu ásamt börnum söng fyrir Magga.  Inga og Skúli komu líka í hádeginu og úr varð þessi svaka hádegissúpa með lífi og fjöri.  Afmælisveislan var rosalega flott og var Maggi svo himinn sæll sem honum einum er lagið.. hann hló og hann grét og það er bara þannig með Magga að þegar hann grætur, grætur allur salurinn með.. þannig að þið getið rétt trúað því hvað það var gott að syngja fyrir hann lag meðan hann hágrét af gleði.. púff það var sko erfitt.  Strákarnir spiluðu líka fyrir Magga og starfsfólk sambýlisins söng líka lag en rúsínan í pylsuendanum var nú hann Óskar Pétursson sem kom sá og sigraði með frábæru atriði sem var fullt af söng, gríni og gleði.

Sunnudagurinn var farið út að leika sér á á sleðum og fjórhjólum... Elvar var illa glaður þegar hann kom inn því hann hafði fundið sæma fastan uppí fjalli og náð að spila hann upp á sínu hjóli.. þessi dagur var ekki síður átdagur því Gunni og Ragna höfðu boðið öllu liðinu í Graut og ábresti í hádeginu áður en fólk keyrði suður.. Gunni var líka að fagna því að hafa orðið 55 ára á föstudaginn 9. jan og ber hann það með sóma.  Fólk var svo kvatt þar og voru það bara við og Bjössi og co sem horfðum á eftir fólki á heimferð...já hún var róleg Akureyrin það kvöld

Á laugardagkvöldið vorum við með matarboð...svona að hita upp fyrir jólin smá.  Stebbi Pálma kom með krakkana og Alfa og Arna komu líka.  Við borðuðum þetta ægilega góða læri og rautt með og áttum alveg dásamlegt kvöld saman

Jóla-korta-mynda-takan tókst í fyrsta sinn átakalaust.  Enginn fór í fýlu... enginn skellti hurðum... enginn fór að gráta og enginn var ósáttur við allar myndir af sér.  Þetta telst til kraftaverka .. og á ég næstum enn erfitt með að trúa því. Jólakortin eru skrifuð í skorpm sem fyrr og vona ég bara að þeir sem fá tvö kort frá okkur láti bara eitt hverfa eða laumi til þeirra sem hafa ekki fengið.. ótrúlegt hvað þetta getur orðið ruglingslegt... þegar meður er að þessu á síðustu stundu.

Ég var búin að óska eftir að það myndi koma 1+ úti dagpart svo ég gæti þvegið gluggana en þá bara skellir Gússi á þessari asahláku!!  Allur snjórinn farinn og hávaðarok!!  en ég náði samt að taka smá myndir meðan snjórinn var.. og spurning að stækka þær bara upp og setja fyrir gluggana.

Mamma og Pabbi koma í dag... þau leggja snemma af stað er mér sagt... bara þegar Pabbi er búinn að fara með Eiríki Rós að fá sér skötu og svo niður í bæ að fá sér eitt glas á vissum bar og svo að fara til Maríu Ömmu og svo að kveðja í Leiðhömrum og Mos og borða á Blönduósi hjá Höllu og guð má vita hvað... þannig að hangilærið sem ég keypti handa þeim til að narta í í kvöld verður líklega bara morgunmatur á morgun. Við skulum allavega vona að þau verði komin fyrir hádegi á morgun því þau eru með kalkúninn minn úr Reykjabúinu með sér.

Anna uppáhalds unglingurinn minn er búin að græja gestahúsið.  Hún er líka búin að þrífa og breyta öllu heima hjá Birki vini sínum.  Hún er öll á uppleið núna greinilega því hún er búin að finna debetkortið sem hún tíndi um helgina og svona aðeins að lægja í óheppninni... spurning hvað það endist lengi.  En lengi má halda í vonina.    Kannski allur svefninn sé að gera henni svona gott.

Trénu var þrykkt upp að gluggunum í gær og húsgögnum grýtt fram og til baka um alla stofu af geðstirði konu.  Að lokum sagði Elvar "mamma afhverju læturðu svona, á þetta ekki að vera gaman??".  ég bara gat ekki ákveðið hvernig þetta átti að vera og börn í hrúgum hér og þar í leti voru ekki alveg að falla mér í geð.  Stundum þegar ég keyri íbúðagötur hugsa ég.. ætli það séu fleiri svona geðstirðar mömmur þarna innan við gluggana eða er þetta bara ég sem verð svona óþolinmóð við þessi grey??  Alltaf þótt svo merkilegt að horfa á stórar blokkir sem er ljós í öllum gluggum og hugsa að þarna inni séu mörghundruð fjölskyldur og hvernig ætli daglegt amstur sé hjá fólki.. skrítin??.. já veit það enda hómópati og þarf að spá í mjög skrítnum hlutum.

nú en allavega þannig var að í nótt þá vakna ég upp við þessi líka ægilegu læti að Siggi hleypur fram á bað ... kúgast þessi ósköp og ælir og hóstar.. ég snéri mér bara á hina hliðina og hugsaði... jájá þá er hann byrjaður með ælupestina en strákarnir nýstignir uppúr þessu.. ég sofna svo bara aftur og verð ekki var við neitt meira um nóttina.. En í morgun segir Siggi mér hvað hafði gerst.. hann sem sagt var að dreyma í nótt að hann væri að borða nýbakaðar dásamlegar smákökur og vaknar við það að hann er að japla á þeim.. og þegar hann fær smá meiri rænu finnur hann að það er ekkert smákökubragð af þessari köku.. og viti menn að hann var að japla á eyrnatappanum maðurinn!!!!!  og þegar hann fattaði það semsagt hljóp hann fram og spítti og kúgaðist og ældi og allan pakkann... Juminn hvað ég hló agalega af þessu.. næstum pissaði á mig, og það veit ég að ég vona að ég vakni ekki upp við það að hann dreymi að hann sé að borða stórsteik því guð hjálpi mér þá...

Við hin plús Jakob vinur Elvars og Ragna Ósk fórum út á Þelamörk að sækja tré með Toyota fólkinu.  Þar sem Ragna og Gunni verða í Danmörku um jólin gáfu þau okkur tréð í jólagjöf þessar elskur.  Þetta var frábær stund þar sem allir komu saman og svo var lagt af stað með sagir og leitað að tréi sem hentaði.  Við vorum nú ekki lengi að finna okkar því það eru líkelga ekki margir að leita að svona stórum trjám.. ótrúlegt hvað þau virðast mikið minni í skóginum.!!  en nú stendaur þetta grei úti og ég er ekki að sjá að það komist inn þó lofthæðin sé yfir  metrar.. en þetta kemur í ljos á næstu dögum   Þegar búið var að saga tréð var fengið sér kakó og kleinur og var þetta hin ánægjulegasta stund.

Helgina á eftir komu svo María systir og fj og var plönuð mikil baksturshelgi.  Piparkökur voru bakaðar í kílóavís og málaðar.  Solla og Magni voru með okkur og var mikið fjör og mikið gaman.  Hjörtur málaði bara dýr og passaði vel uppá að þau færu í eigið box og hinir máluðu skrautlegar og flottar kökur.. að mati Bjarka (sem átti skrautið frá því ég kom frá usa) var aðeins of mikið af skrauti notað en hann er aðal kökuskreytingarmaðurinn á heimilinu.  Allir voru liðtækir í að rúlla út og móta kökur og húsmóðirin var ekki lítið sæl með hvað það er þægilegt að baka í stóra eldhúsinu sínu.. allir gátu tekið þátt og nóg pláss fyrir allt og alla. Daginn eftir var stefnan tekin á Sörur en börnin fengu að sitja hjá í þeirri törn.. María systir að vísu lagðist í ælupesti um nóttina, vildi kenna lífræna rauðvíninu um sem ég gaf henni um kvöldið en það getur ekki verið sko.. Lífrænt!! maður verður nú ekki veikur af rauðum vökva sem er með moldarbragði!!  þannig að hún var ekki velkomin í eldhúsið en við Solla og Anna maría græjuðum sörurnar góðu.  Aggi og Ásta byrtust svo óvænt í hádegismatnum og úr varð heljarinnar matarboð áður en Mosfellingarnir rúlluðu suður.

Október.  settum í loftið hjá Önnu.  ég fór til Baltimore til Rutar í árlega Ameríkuferð með Öldu vinkonu.  Þetta var svakalega skemmtileg ferð en ekki neitt svakalega mikið verslað sökum ástands dollarans.. en jú aðeins því ekki getur maður svo sem gengið framhjá öllum þessum vinum sínum án þess að reka inn nefið.  Við fórum líka til Philadelfíu og það var mikið upplifelsi þar sem þetta rétt fyrir kosningar og Obama var greinilega alsráðandi í borg svartra og samkynhneigðra.  Svo gerðist líka eitt mjög merkilegt í Philadelfíu... ég sá held ég "manninn sem seldi sportbílinn" á gangi um göturnar í kufli og alles.. það er orka sem ég mun seint gleyma.Við vorum þarna líka yfir halloween og var mikið upplifelsi að fá að fara hús úr húsi og fá nammi í fötu.  Einnig vorum við dagpart á Heilunarsetri þar sem Rut er að læra heilun og fékk nú mín að spreyta sig örlítið með norðlensku orkuna.  Agalega gaman og gríðarlega flott kapella sem er heilað í.  Sebastían stóð sig sem hetja að druslast með okkur kellingunum dag eftir dag.  Á leiðinni heim var nú búið að breyta öllu alstaðar og einhverra hluta vegna.. hef ég ALDREI borgað yfirvigt fyrr en nú(og ég sem verslaði akkúrat næstum ekkert) en já ég þurfti að borga bæði úti og hér heima fyrir töskurnar.  Þannig að þar var nú allur gróði farinn af tilboðsvörunum sem ég keypti. ARG  en þessi glaðlega kona í afgreiðslunni úti er örugglega enn að grobba sig af þessu við lærlinginn þegar hún náði að nappa íslendinginn með málbandi á töskunni og með því að tilla tánni á vogina með töskunni.

Guð minn góður verð að segja ykkur frá deginum áður en ég fór út.  það var dagurinn sem ég var að eltast við að fá dollara um alla borg og redda nammi í óléttu konuna í Ameríku.  Ég var semsagt í hagkaup í skeifunni þegar ég þurfti nauðsýnlega að pissa.  Ég fór í anddyrið og þá var læst þannig að ég beið eftir að það losnaði og smeygði mér svo innfyrir.  þegar ég var ný sest hringdi síminn og ég hafði sett úlpuna á gólfið fyrir framan mig og fór að teygja mig í hana þannig að ég var svona á fjórum fótum á gólfinu fyrir framan klósettið,  nú ég veit ekki fyrr en allt í einu opnast hurðin og inn stígur kona með 3 börn grípur andan á lofti en reynir að segja eitthvað en eina sem hún gerði var að halda uppi stórum lykli... og tuða "ég fekk hann í afgreiðslunni" þarna var ég með beran bossann og síma í hendinni á fjórum fótum!!! og ég byrja að hlægja og ég hlæ og hlæ og konan ýtir börnunum rólega út og afsakar sig enn á ný.  Nú ég fer svo út eftir að heyra skammir frá sjoppustráknum um að ég hafi átt að fá lykil í afgreiðslunni!! og í bankann fer ég og stend þar í gjaldeyrisröð þegar barn fyrir aftan mig segir " mamma, þetta er klósettkonan" Ég sný mér við og þá stendur konan með börnin sín 3 í röðinni og byrjar enn á ný að afsaka sig.  Held ég fari aldrei framar í spreng í búð það er á hreinu.

Nóvember.  Nú kom ekki heim fyrr en 5 og fór daginn eftir í Staðarskála að vinna með Ingu. Já Heilsukjarninn er nú aldeilis að slá um sig ha!!  Það var bara nokkuð góður mánuður í vinnunni og nóg að gera.  Hugmyndirnar eru að flæða hjá okkur stöllum og erum byrjaðar að hafa Indjánakvöld í Gufunni uppi hjá okkur.  Þetta eru sannkölluð slökunarkvöld og eru að slá hreinlega í gegn.  Þar notum við t.d. ilmkjarnaolíur.. sölt..hunang..seiði, ávexti og te. ásamt því að nudda og heila og skrúbba og söngla. Að vísu spyr Siggi hvað varð um það að ég ætlaði bara að vinna á meðan strákarnir væru í skólanum.. en svona er þetta.. þegar er gaman er bara svo gaman

Desember.  Anna bara fékk ökuskírteini...jú barnið er farið að keyra um göturnar ÁN mín.  Hún tók verklega prófið í brjáluðu veðri og mér til mikillar furðu náði hún því skömmin.  ég verð líklega að éta það ofaní mig um getu hennar til aksturs. 

Við byrjuðum í gær að setja í loftið hjá Bjarka en þá fannst okkur við þurfa að klára að búa til geymslu undir súðinni uppi fyrst þannig að gærdagurinn fór í það að smíða grind fyrir vegg uppi og sníða spón og gifs.  Ég lagði líka rafmagn inní þetta ... get ekki beðið eftir að eignast barnabörn sem geta leikið sér þarna í framtíðinni   tvær hurðir á þessu þannig að það er hægt að skríða í gegn.  Sebastían fær að vígja þetta um áramóti.  Annars er nú meiningin að geyma jólaskraut og þessháttar dót þarna uppi.  

það er líka búið að múra húsið að utan en á eftir að fínpússa það... þannig að núna er það búið að standa með plasti fyrir öllum gluggum í vikur og bíða eftir múrurunum á ný..  ef ég heyri ekki frá þeim fljótlega fer ég að rífa plastið frá og við gerum þetta bara næsta sumar... því ekki er nú gáfulegt að gera þetta í frosti ha!  Annars var ansi skondið hér eina helgina.. því að á laugardeginum vorum við með svartfugl í matinn sem Heimir smiður hafði gefið mér... og á sunnudeginum vorum við með reyktan lax á brauði sem Úlli múrari hafði gefið mér..hehe.. ég er að spá í að fara að tala við píparana og ath hvað þeir geta gefið mér að borða líka... já maður getur ekki kvartað yfir þessum ágætis iðnaðarmönnum sínu... það eitt er víst.